Марий филармонийым чоҥаш эше 215 миллион теҥге ойыралтеш
Марий филармонийым чоҥаш Российын правительствыже эше 215 миллион теҥгем ойыра. Тӱвыра министерствыште увертарыме почеш, Правительстве председатель Михаил Мишустин тидын шотышто распоряженийым пеҥгыдемден. Филармонийым кызытеш 40 утла процентлан ыштен шуктымо. А 2021-ше ийыште тудым эксплуатацийыш налшаш улыт. Тудым чоҥымо паша «Тӱвыра» калыкле проектын «Тӱвыра кумдык» федерал проектше кышкарыште шукталтеш.
