Йошкар-Олаште «Тӱвыраште у» тӱнямбал форум почылтеш

                   Йошкар-Олаште кокымшо гана «Тӱвыраште у» тӱнямбал форум эрта. 16-шо декабрьыште тудын кышкарыште Евсеев лӱмеш калыкле тоштерын Тӱн корпусшым торжественно почыт. Тудым почмаште олмыктен уэмдыме пашам иктешлат, «100 ий вияҥмаш», «Лач тиде тоштер», «Марий- влак Россий кумдыкышто», «Марий Элын поликультурный картыже» ончер проект- влакын презентацийышт лиеш. Форумым почмаш Константинов лӱмеш руд академический драма театрыште эрта. Туштак «Регион кӱкшытыштӧ тӱвыра да туныктымо кластер», «Тӱвыра- влакын вашкылышт: калык кокласе кыл аланыште инициативым вияҥдымаш», «Шонымаш гыч лектыш марте: тӱвыраште проект паша» секций- влак пашам ышташ тӱҥалыт. 17-ше декабрьыште «Калыкле тоштер- влак тӱвыра трансформаций йӧныштӧ» Тӱнямбал шанче- практик конференций эрта. Тудо Евсеев лӱмеш тоштерлан 100 ий теммылан пӧлеклалтеш да кажне ийын эртарыме 14-ше «Евсеев лудмаш» семын эрта. Южо мероприятий онлайн-формат дене лиеш.

Прошлые выпуски