Йошкар-Оласе художественный училищылан- пел курым

                      Республикым вуйлатыше Александр Евстифеев Йошкар-Оласе художественный училищым, тудын туныктышо дене тунемшыж- влакым  50 ияш лӱмгече дене саламла. Пел курым ончыч почмо тунемме тӧнеж республикыште художественный шинчымашым пуымо системын могай лийшашыжым рашемден, марий тӱс сымыктышын эн сай йӱлаже- влакым тукым гыч тукымыш кусарен толмо сомылым арален кодаш полшен. 50 ий жапыште тудым тӱжемат 200 утла еҥ тунем пытарен да республикысе тӱвыра да туныктымо тӧнежлаште уста специалист семын тыршат. Россий Сӱртече- влак ушемын марий пӧлкаштыже 90 процент утлаже Йошкар-Оласе художественный училищын выпускникше улыт. Студент- влакын усталык да диплом пашашт тӱнямбал, Россий, регион, республике кӱкшытан конкурслаште кӱкшӧ акым налыт. Тидыже шукыж годым нунын туныктышыштын пыштыме надырыштлан кӧра лиеда. Тау нунылан. Нуно ик тукым веле огыл талантан ӱдыр-рвезым туныктен луктын, республикын тӱвыра поянлыкышкыже кугу надырым пыштеныт.- ойлалтеш республикым вуйлатышын саламлымашыштыже.

Прошлые выпуски