Теҥгече Марий Элым вуйлатыше Александр Евстифеев Марий Эл Кугыжаныш Погынын 14-ше бюджет сессийыштыже лийын

                 Теҥгече Марий Элым вуйлатыше Александр Евстифеев Марий Эл Кугыжаныш Погынын 14-ше бюджет сессийыштыже лийын. Тудо депутат- влак ончылно палемден: шушаш ийлан да ончыкылык кок ийлан бюджетын проектшым чумырымаш коронавирус инфекцийлан кӧра неле условийыште эртен. Туге гынат, республикын тӱҥ финанс документыштыже бюджет политикын эн кӱлешан корныжо- влакым арален кодымо. Тиде калыклан гарантийым, бюджет системын пеҥгыдылыкшым да кугыжаныш велым виктарымашын качествыжым вияҥдаш полша. Бюджет социал корнан. Тудын 62 процентше социал сферыш виктаралтын. Бюджетым чыла кум ийжыланат профицит дене ыштыме,- парыш ужашыже роскот ужаш деч кугурак лиеш. Тидыже кугыжаныш парымымат шагалемдаш йӧным ышта. Шушаш ийлан калыкле проект- влакым шыҥдараш шым миллиардат 900 миллион теҥгем палемдыме. Тыгайже эше лийын огыл ыле, каласен республикым вуйлатыше. Ончыкылык кум ийлан бюджетым шукырак йӱк дене пеҥгыдемдыме.

Прошлые выпуски