Юрий Зайцев ден Горький кӱртньӧ корным вуйлатыше Сергей Дорофеевский вашкыл шотышто йодышым каҥашеныт
Юрий Зайцев ден Горький кӱртньӧ корным вуйлатыше Сергей Дорофеевский вашкыл шотышто йодышым каҥашеныт. Нуно 2023-шо ийысе пырля пашалан иктешлымашым ыштеныт, кӱртньӧ корным вияҥдыме да тудын лӱдыкшыдымлыкшӧ, вашкылын ончыкылыкшо нерген ойленыт. 2023-шо ийын март гыч Йошкар-Ола гыч Озаҥыш да мӧҥгешла коштшо пригородный поездым талук мучко коштшым ыштыме. Зелёный Дол- Яранск корным Котельнич марте шуяш тиде корно дене мыняр грузым шупшыкташ лиймым рашемдыше пашаче группо нерген проектым ямдылыме. Тӱҥалтышым Татарстан ден Киров областьын правительствышт поддержатленыт. Дорофеевскийын мутшо почеш пригородный поездыште калык 33 процентлан шукырак кошташ тӱҥалын да 26 тӱжем еҥым эртен. Тора корныш калык 13 процентлан шукырак коштеш да 154 тӱжемым эртен, турист- влакат шукырак толыт. Юрий Зайцев ден Сергей Дорофеевский 2026-шо ий марте вашкыл шотышто соглашенийым пеҥгыдемденыт. Вара нуно кӱртньӧ корно пашаеҥ- влакын у скверыштым ончен лектыныт. Тений шошым Яналов уремым олмыктымо паша мучашлалтеш манын палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
