Юрий Зайцев «Иволга» форумышто палемден: самырык- влак политикылан тӱҥ тӱткышым ойыраш кӱлеш
Марий Элым вуйлатышын пашажым шуктышо Юрий Зайцев «Иволга» форумышто палемден: самырык- влак политикылан тӱҥ тӱткышым ойыраш кӱлеш. Участник- влакын ончыктымо проектыштым республике кундемыштат шыҥдараш лиеш. Икымше вер ок логал гынат, финалыш лекмыже пеш шерге. Тидлан кӧражат тышке толаш да сеҥымашыш шуаш тыршаш кӱлеш ыле. Мӧҥгӧ пӧртылмеке, ме тендан дене эше вашлийына да шонымашда нерген сайын каласкаледа. А ме Республикыштына шке шотан «ИВолгым» ыштена да илышыш шыҥдараш тӱҥалына,- каласен Юрий Зайцев.
Марий Эл гыч финалыш вич проект лектын. «Воскресение» кычалше отрядын боецше Мария Курбаш сеҥышыш лектын да грантым сеҥен налын. Тудын «Эртыше жапын корныжо дене: историй келгытыш» проектше республикыште кугу сар жапыште аралалтме рубеж- влакым чоҥымашлан пӧлеклалтын. Южо уверже деч секретный грифым шукерте огыл гына кораҥдыме. Сандене кӱлеш семын шымлыме огыл. Мария лекций-экскурсий- влакым эртараш, нуным видеош войзаш да тунемме тӧнежлаште каласкалаш темла. Юрий Зайцев тиде шонымаш дене тӱрыс келшен.
Эше ик проект онкологий чер ваштареш кучедалме дене кылдалтын. Ландыш Габдулвалеева «Онкопатруль 12» проектше дене палымым ыштен. Тудо медик-волонтёр- влаклан шӧр тун ракшым ончылгоч пален налаш мастер-классым эртараш тунемме тренажёр- влакым налаш темла. Юрий Зайцев тидымат сайлан шотлен да обществылан пайдале лиеш манын. Мучашлан тудо самырык еҥ- влакым мокталтен ойлен. Тений Марий Эл регион- влак коклаште пуымо йодмаш дене икымше верым налын. Чылаже тӱжемат 519 йодмаш пурен. Тушечын 85 еҥжым ойырен налме.
Фото: Марий Элым вуйлатышын организаций да аналитик виктемже.
Марий Эл гыч финалыш вич проект лектын. «Воскресение» кычалше отрядын боецше Мария Курбаш сеҥышыш лектын да грантым сеҥен налын. Тудын «Эртыше жапын корныжо дене: историй келгытыш» проектше республикыште кугу сар жапыште аралалтме рубеж- влакым чоҥымашлан пӧлеклалтын. Южо уверже деч секретный грифым шукерте огыл гына кораҥдыме. Сандене кӱлеш семын шымлыме огыл. Мария лекций-экскурсий- влакым эртараш, нуным видеош войзаш да тунемме тӧнежлаште каласкалаш темла. Юрий Зайцев тиде шонымаш дене тӱрыс келшен.
Эше ик проект онкологий чер ваштареш кучедалме дене кылдалтын. Ландыш Габдулвалеева «Онкопатруль 12» проектше дене палымым ыштен. Тудо медик-волонтёр- влаклан шӧр тун ракшым ончылгоч пален налаш мастер-классым эртараш тунемме тренажёр- влакым налаш темла. Юрий Зайцев тидымат сайлан шотлен да обществылан пайдале лиеш манын. Мучашлан тудо самырык еҥ- влакым мокталтен ойлен. Тений Марий Эл регион- влак коклаште пуымо йодмаш дене икымше верым налын. Чылаже тӱжемат 519 йодмаш пурен. Тушечын 85 еҥжым ойырен налме.
Фото: Марий Элым вуйлатышын организаций да аналитик виктемже.
