Юрий Зайцев «Шереметевмыт илемын» тӱҥ пӧртшым пужен ыштыме йодыш дене пашаче вашлиймашым эртарен
Марий Элым вуйлатыше Юрий Зайцев тӱвыра поянлык объектлан шотлалтше «Шереметевмыт илемын» тӱҥ пӧртшым пужен ыштыме пашалан документацийым ямдылыме йодыш дене проект организацийын еҥже- влак дене пашаче вашлиймашым эртарен. Республикым вуйлатыше ушештарен: тиде темым Президент Владимир Путин дене вашлийме годым нӧлталме. Юрино посёлко туризм шотышто кугу ончыкылыкан. Тӱҥжӧ- Шереметев замок улеш. Тӱвыра поянлык объектым арален кодымо йодышым тыгак Федераций Советыште Марий Элын кечыже- влак кышкарыштат каҥашыме. Замокым шотыш кондымо паша деке ме пеш кужун толынна. Тудо республикын кугешнымашыже. Куандара: тиде йодыш ончыко кая. Тиде объект могай лийшаш, тыгай формат денак тудо шыҥдаралтеш,- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
