Республикысе озанлык- влак шошо-ага пашаш лектыныт
Республикысе озанлык- влак шошо-ага пашаш лектыныт. Медведево, Марий Турек, Звенигово районысо кушкылым куштышо- влак кок арнялан ондакырак кокияш озымлан, шукияш шудылан ӱяҥдышым пуаш, курал кодымо мландым да шукияш шудылыкым тырмалаш тӱналыныт. Тиде кечылан ик тӱжем гектар озымым ӱяҥдыме. Тидыже планын кок процентше лиеш. Шукияш шудылыкым 471 гектар кумдыкышто ӱяҥдыме, кылмаш курал кодымо мландым 167 гектарыште, шукияш шудылыкым 34 гектарыште тырмалыме. Тыгак икияш ӱдышаш пырчым аярташ тӱналме. План почеш 23 тӱжем тонным ышташ кӱлеш гын, кызытеш ик тӱжем утла тонным аяртыме. Шошо ага пашалан 7 тӱжем утла тонн минеральный ӱяҥдыш кӱлеш гын, кызытеш 6,9 луаш тӱжем тонным шапашлыме, але 96 процентым.
Фото: Ял озанлык министерстве.
Фото: Ял озанлык министерстве.
