Юрий Зайцевлан благоверный князь Даниил Московскийын орденжым пуымо
Юрий Зайцевлан благоверный князь Даниил Московскийын орденжым пуымо. Москон да Пӱтынь Русьын шнуй патриархше Кирилл республикым вуйлатышым 55 ийым темыме дене саламлен. Патриарх Юрий Викторовичын кӱкшӧ профессионализмжым палемден. Куанен каласем: тендан вуйлатыме дене Марий Эл Республике чолган вияҥеш: тендан дене социал да экономик сферыште гына огыл, юмын йӱла да профессионал сферыштат шуко ышталтеш. Ӱшанем, руш православий черкын Марий митрополийжын епархийже- влак ден кугыжаныш кучем- влак коклаште пырля пашам ыштымаш ончыкыжымат поро лектышым кондат, калык коклаште шӱм-чон поянлыкым пеҥгыдемаш да самырык тукымым шочмо элым йӧраташ туныктымаште полшат,- каласен владыка. Лӱмгече лӱмеш Шнуй Патриарх регионым вуйлатышым благоверный князь Даниил Московскийын 3-шо степенян орденже дене наградитлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
