Запорожье гыч самырык еҥ-влаклан Марий Элыште тунемаш йӧным ыштат

Запорожье гыч самырык еҥ-влаклан Марий Элыште тунемаш йӧным ыштат

Тений 9-ше да 11-ше классла деч вара Марий Элысе вузла ден техникумлашке Запорожье гыч самырык еҥ-влаклан тунемаш пураш йӧным ыштат. Республикысе туныктыш министр Лариса Ревуцкая Куйбышевский районышко миен коштын, верысе школ да йоча сад вуйлатыше-влак дене вашлийын. Ушештарена: март тылзыште Запорожский областьын тиде районжым республикына шефствыш налын, сандене шинчымашым пуымо йодыш шотышто ой-пидыш-влак ышталтыт. Марий кугыжаныш университет тунемме ий марте школ директор ден туныктышо-влакым у тунемме программе дене палдара. Учебник-влакымат Марий Эл гыч колтышаш улыт.

Тиддеч ончыч Запорожский областьыш Правительстве Председательын икымше алмаштышыже Евгений Кузьмин делегаций дене миен коштын. Тудо вашлиймаште Куйбышеский районысо выпускник-влакын мемнан дене Юлтехыште шинчымашым погаш кумылан улмышт нерген рашемын.

 

Прошлые выпуски