Республике гыч самырык кучедалше регион- влак кокласе кӱкшытан турнирыште сеҥыше лийын

          Республике гыч самырык кучедалше греко-рим кучедалмаш дене регион- влак кокласе кӱкшытан турнирыште сеҥыше лийын. Озаҥ олаште 18 ияш марте рвезе- влак коклаште греко-рим кучедалмаш дене регион кокласе турнир эртен. Тудо СССР-ын тӱнямбал классан спорт мастерже, РСФСР-ын сулло тренерже Тимашевым шарнымылан пӧлеклалтын. Турнирыште Татарстан, Удмуртий, Марий Эл, Оренбург, Ульяновск, Самара областьла гыч 13 командыште 153 кучедалше лийын. Волжский районысо Памар селасе «Пересвет» спорт да патриот клубын спортсменже Иван Козлов Волжскысо да Шернурысо епископ Феофанын сугыньлымыжо почеш миен. 51 килограмм марте нелытан- влак коклаште Иван шкеже деч кок ийлан кугурак- влак дене таҥасен. Самырык кучедалше финалыште 9 да 1 счёт дене сеҥен да мучаш марте иктыланат ик очкомат модын колтен огыл.
      Фото: Йошкар-Ола епархийын сайтше.

Прошлые выпуски