«Марий воин-влакын тистышт» Советский районыш куснен
«Марий воин-влакын тистышт» Советский районыш куснен. Патриотизм шӱлышан мероприятий районысо тӱвыра пӧртыштӧ эртен. Юнармеец, кадет ден усталык коллектив-влак концерт программым ямдыленыт. Саламлыме да тыланыме шомакым «Элым аралыше-влак» кугыжаныш фондын Марий Элысе пӧлкажым вуйлатыше Ренат Магсумов ойлен. Йӧн дене пайдаланен, Советский муниципал район вуйлатыше Антон Трудинов дене сарзе операций гыч отпускыш толшо кок салтаклан «За боевые отличия» медальым кучыктеныт.
Ушештарена: акций Курыкмарий районышто вийым налын. 17 арня жапыште республикынан чыла олаже ден районжым эртен. А 4-ше ноябрьыште, Калыкын икоян улмо кечын, тистым «Элым аралыше-влак» кугыжаныш фондын Марий Элысе филиалышкыже аралаш пуат.
