Финалыште - латкоктын

Финалыште - латкоктын

«Абилимпикс» национальный чемпионатын финалышкыже Марий Эл гыч 12 конкурсант лектын. Инвалид да начар тазалыкан еҥ-влаклан профессионал мастарылыкым тергыме ты конкурс илышыштышт кугун полша.

Тений эн шуко таҥасыше «Ургызо» да «Столяр паша» компетенцийыште лийын. Тыгак повар-влакын шукын лийыныт. Участник-влакын чотыштым налаш гын, эн шуко финалист Татарстан республика гыч. Тушто 54 еҥым ойырен налыныт. Моско область гыч 34 еҥым, Красноярский край гыч 20 участникым финалыш темленыт. Ты таҥасымаш 20-шо гыч 23-шо октябрь марте Москаште эрташ тӱҥалеш.

Прошлые выпуски