Пайрем нерген книга ойла
Рӱдӧ марий олан лӱмгечыжлан «Йошкар-Олан историйже» монографийым луктыт. Тудым тӱшкан ямдылат. Книга рӱдӧ оланан 440 ияш лӱмгечыжлан пӧлеклалтеш. Тудым вес ийын палемдена. Книгам лукшаш нерген редакций советын заседанийыштыже ойлымо. Кызыт рукописьын пашаче вариантшым ямдылыме. Монографийыште олан историйже тудым негызлыме гыч тӱҥалын 21-ше курым тӱҥалтыш марте ончыкталтеш. Савыктышым шергакан иллюстраций материал пойдара.
