Сар-куралым ит арале
Марий Элыште «Арсенал» операций кышкарыште 24 оружийым поген налме. Республикысе эл кӧргӧ паша министерствыште 25-ше гыч 29-ше сентябрь марте эртыше оперативно-профилактик мероприятийым иктешлыме. Мероприятий кышкарыште ныл осал пашам да ик административный правонарушенийым рашемдыме. Нуно закондымын сар-куралым, боеприпасым, пудешталт кертше веществам ямдылыме да шаркалыме дене кылдалтыныт. Ик еҥым мут кучаш шогалтыме. 24 оржийым, 178 боеприпасым, 203 грамм пудешталтше веществам поген налме. Мероприятий жапыште куралым кучышо еҥ- влакым, саркуралым закондымын шаркалымылан ондак судитлыме еҥ- влакым, автотранспортым тергеныт. Килемар районышто сонарзе пычалын конструкцийжым шке семын вашталтымым, Марий Турек районышто пычалтарым аралымашым да сонарзе патроным шке ыштымым, Курык марий районышто кум патроным закондымын аралымым пален налме. Полиций еҥ- влакым закондымын аралыме оружий ден боеприпасым шке кумылын сдатлаш ӱжеш. Нарушитель- влакым уголовно мут кучаш шогалтен кертыт. Кугу наказанийже- ныл ий марте эрык деч посна кодымаш.
