15 вӱдшорышто Марий Элын сулло артистше Василий Павлов ила ыле гын, шочмыжлан 65 ий темеш ыле
15 вӱдшорышто Марий Элын сулло артистше Василий Павлов ила ыле гын, шочмыжлан 65 ий темеш ыле. Тудо 17 ий ондак ош тӱня дене чеверласен. Но марий калыкын ик эн йӧратыме эстраде мурызыжо нерген Шернур район Марисола кундемыштыже гына огыл, эстраде аланыште тыршыше йолташыже да марий телевиденийыште пырля пашам ыштыше коллегыже-влакат сайын шарнат.
