197 йолешке вончем у стандарт дене келшен толшо лиеш

         Республикыштына 197 йолешке вончем у калыкле лӱдыкшыдымылык стандарт дене келшен толшо лиеш. Тыгай задачым  Республикым вуйлатышын пашажым шуктышо транспорт министерствым вуйлатыше ончылно шынден. Юрий Зайцев тений икымше пелийыште корно азаплаште колышо- влакын чотышт ешаралтме тургыжланымашым луктеш манын каласен. Транспорт министр Александр Герасименко увертарен: тенийсе пелийыште 237 ДТП-м регистрироватлыме. Тушто 42 еҥ колен. Кодшо ийысе деч ӱмыр лугыч лийше- влакын чотышт 55 процентлан ешаралтын. Республикыште тӱжемат 40 йолешке вончем уло. Нуным у калыкле стандарт дене келшышым ыштыман. Тушечын 70-же регион кӱкшытан корнышто, 72-шо федерал корнылаште, 898-ыже верысе кӱкшытан корнылаште верланеныт. Кодшо ийын стандарт дене 253 вончемым келыштарыме. Нунын кокла гыч 77-ше - тунемме тӧнежла воктене. Тений идалык тӱҥалтыш марте эше 197 йолешке вончемым стандарт дене келшышым ыштат. – каласен Александр Герасименко.
             Фото: Марий Элым вуйлатышын организаций да аналитик виктемже.

Прошлые выпуски