6-шо номеран исправительный колонийын профтехучилищыштыже 13 специальностьлан тунемаш лиеш

6-шо номеран исправительный колонийын профтехучилищыштыже 13 специальностьлан тунемаш лиеш
                   6-шо номеран исправительный колонийын профтехучилищыштыже йодмаш дене пайдаланыше  13 специальностьлан тунемаш лиеш. Колонийын производство секторжо кодшо ийлан иктешлымашым ыштен. Исправительный колоний кундемыште производство кластер сайын пашам ышта: ургымо цех, металлообработке да электротехнике сатум погымо участке- влак.
                 Судитлыме еҥ- влакым пашалан туныктымо рӱдерлан кӧра кодшо ийын «Потенциал» коммерций организаций дене вашкылым кучымо кугыт 51 миллионат 992 тӱжем теҥгем эртен. Колоний муниципал да кугыжаныш заказчик- влак дене чолган кылым куча. Тудо кӱртньӧ саварлан секций- влакым, уремлан теҥгылым, урным, ола илем администраций- влаклан капкам ышта. Судитлыме еҥ- влак профтехучилищыште мастарлыкыштым шуарат. Тушто сварщиклан, электромонтёрлан, пластмассе гыч сатум погышылан, механосборочный пашан слесарьжылан да моло пашалан тунемаш лиеш. Тыге эрыкыш лекме жаплан ятырже кӱлеш профессийым налын шукта.                           Кодшо ийын лектышыже почеш сатум лукмо кугыт 85 миллион теҥгеш лийын. Уголовно-исполнительный системын тичмаш производство секторжо мучко тиде показатель 178 миллион теҥгеш шуын.
                Фото: пресс-служба Россий ФСИН-ын Марий Элысе виктемжын пресс-службыжо.

Прошлые выпуски