70 ий ожно Йошкар-Олана могайрак лийын?

70 ий ожно Йошкар-Олана могайрак лийын?
Евсеев лӱмеш калыкле тоштерыште таче «Пелед, Йошкар-Ола» фото выставке почылтын. Тудо 50-ше-80-шо ийласе марий рӱдола нерген каласкала. Экспозиций Йошкар-Олан 435-ше шочмо кечыжлан пӧлеклалтеш. Ятыр фотосӱретше моткоч шергакан улыт. Тушто тӱрлӧ микрорайоным, уремым, оласе пӧрт- влакым, промышленный предприятийлам, оласе калыкым велыктыме. Паша жапымат, пайремымат ужаш лиеш. Нуным ончен, кугурак тукым самырык, совет жапшым шарналта, а самырык-влак историй дене палыме лийыт. Ончерышке 10 утла авторын пашаштым чумырымо. Фотовыставке 31-ше август марте пашам ышта.

Прошлые выпуски