Ял озанлык ярминга уэш калыкым чумыра
Йошкар-Оласе Чарла кремльыште 14-ше гыч 18-ше август марте мӱй да мӱкш сатун «Мӱй спас» ял озанлык ярмингаже лиеш. Тудын радамыште Оршанке, Марий Турек, Юрино район- влакын кечышт палемдалтеш. Ярмингаш мӱкшым ончен, мӱйым да моло сатум ыштен налше, ремесленник, кид-паша мастар, сувенирым ыштыше- влак толыт. Тыгак оласе калык пакча- саскам, емыжым налын кертеш. Пайрем программыжат поян лиеш. 14-ше августышто мӱйлан шнуй шӱлышым пуртат, вара Оршанке районын артистше- влак концерт дене куандарат. 17-ше августышто Марий Турек район гыч кидмастар да артист- влак толыт. Уржа-сорла тылзын 18-ше кечынже Юрино район калыкым модыкта. Ярминга кажне кечын 9 гыч 16 шагат марте пашам ышта.
