Пенсионерлан эн изи окса кугытым шотлымо икгай правилым ыштыме

Пенсионерлан эн изи окса кугытым шотлымо икгай правилым ыштыме
Российыште пенсионерлан илен лекташ ситыше регионысо эн изи окса кугытым шотлен лукмо икгай правилым пеҥгыдемденыт. Дмитрий Медведевын увертарымыж почеш, тиде показатель деч ешартыш социал полышын кугытшо шогаш тӱналеш. Тудым шотлымо годым кажне регионын ситуацийже, элна мучко икымше кок кварталыште пенсионерлан илен лекташ ситыше оксан кугытшо мыняр лиймым шотыш налыт. Тидыже пенсионерын илен лекташ ситыше регионысо окса кугытшым негыз деч посна иземдымаш деч кораҥаш полша. Тидын годымак пенсионер- влаклан пуымо социал полышын кокла кугытшым ешарымашке конда. Кодшо кечылаште Россий правительстве распоряженийын проектшым пеҥгыдемден. Тудын дене келшышын, пенсийыш кугемден тӱлаш регион- влаклан ешарен, ныл миллиардат 300 миллион теҥге оксам ойырат. Кызыт 69 регионышто ныл миллион наре пенсионер ешартыш социал федерал оксам налеш. Тудын кокла кугытшо- кок тӱжем наре теҥге. Регион- влак 16 субъектыште ешарен тӱлат. Тудым кок миллионат 600 тӱжем утла еҥлан пуат. Оксан кокла кугытшо вич тӱжем теҥге утларак погына.

Прошлые выпуски