Марий самырык театр «Иволга» форумыш миен

Марий самырык театр «Иволга» форумыш миен
Марий Самырык театрын артистше- влак Юл кундем округысо самырык- влакын «Иволга» форумыштышт лийыныт. Форум кышкарыште округысо самырык театр- влакын кокымшо фестивальышт эртен. Палантай лӱмеш тӱвыра да сымыктыш колледжысе театр пӧлкан 4-ше курсышто тунемше студент- влак Алексей Арбузовын пьесыж почеш шындыме «Мой бедный Марат» спектакльым ончыктеныт. Режиссёржо ТЮЗ-ын художественный вуйлатышыже да группым вуйлатыше Олег Иркабаев лийын. Спектакльыште Ленинград блокаде жапысе илыш ончыкталтеш. Усталык коллективым тауштымашан серыш дене палемдыме. Театр фестивальын лектышыже лишыл жапыште пале лийшаш. Мут толмашеш, Шукерте огыл «Театральный Поволжье»   школ да студент театр коллектив- влакын фестивальыштым иктешлыме. Тиде форумым Юл кундем округышто Россий Президентын полпредше Игорь Комаров эртараш темлен ыле. Регионысо йыжыҥыште Марий Эл  гыч 13 йоча коллектив участвоватлен. Гран-прим Козьмодемьянскысе йоча сымыктыш школ пелен пашам ыштыше «СемьЯ+» студий сеҥен налын. Тудо «Неужели меня нет» спектакльым ончыктен. Кушкыжмын Юл кундем округын самырыкше- влакын «Иволга» форумышт мучашлалтын. Тушто полпред Игорь Комаров лийын. Форумышто Марий Эл гыч сеҥыше- влак радамыш Яна Семёнова «Финн-угор калык-влакын «Мемнан тукым» театрышт» проектше дене да Екатерина Николаева «ГТО-н кӱкшытышкыжӧ турист корно дене» проектше дене пуреныт Проектым илышыш шыҥдараш кажныже 200 тӱжем теҥге гыч налеш.

Прошлые выпуски