Йошкар- Олаште чыла светофорым у дене вашталтат
Вашке Йошкар-Оласе калык тыглай лампочко дене пашам ыштыше светофор- влакым шарналташ гына тӱналеш. Нуным светодиодан аппарат дене вашталтат. Тиде арнян лампан кум светофорым вашталтыме. Тыгай тоштыжо ынде икте гына кодын. У объект- влакым Комсомольский ден Пролетар урем ушнымаште, Ломоносов ден Карл Маркс урем вожышто да ММЗ-ш пурымо рӱдӧ верыште вераҥдыме. Тыгак Карл Маркс- Соловьёв- Гончаров урем- влак ушнымаште уым шогалтыме. Светодиодан светофор- влак кеч-могай игечыштат сайын койыт, энергийым шагалрак кучылтыт, лампым шуэн вашталтыман. Чыла тидыже утларак йӧнан манын палемдат специалист- влак.
