«Абилимпикс» калыкле чемпионатыште Марий Элын командыже шкенжын эн сай лектышыжым ончыктен
«Абилимпикс» калыкле чемпионатыште Марий Элын командыже шкенжын эн сай лектышыжым ончыктен. Москошто октябрь мучашыште эртыше чемпионатыште мемнан сборный команде 13 медальым сеҥен налын. Пу гыч пӱчкеден ыштыше- влак лектыш дене куандареныт. «Школьник- влак» категорийыште Илья Шуталёв икымше верым, «Студент- влак» категорийыште Виктор Фёдоров ден Егор Данилов кокымшо да кумшо верыш лектыныт, «Специалист- влак» коклаште икымше верым Станислав Полянин налын. «Спице дене пидмаш» компетенцийыште «Специалист- влак» категорийыште Алевтина Петрова кокымшо верыш лектын. «Изобразительный сымыктыш» компетенцийыште кумшо вер «Специалист» Вадим Мальгинлан логалын. Тыге, Марий Элын командыштыже ныл «шӧртньӧ», вич «ший», да ныл «той медаль улыт. Тидыже ончычсо ий- влак дене таҥастарымаште эн сай лектыш. Чемпионат кышкарыштак «Пырля виянрак!» Россий кӱкшытан ончерым ыштыме ыле. Тушто Людмила Новосёлова икымше верым сеҥен налын.
Фото: «Марийская правда».
Фото: «Марийская правда».
