Республикысе промышленный производство мӧнгештмашым ончыкта

           Республикысе промышленный производство мӧнгештмашым ончыкта. Тений сентябрьыште кодшо ийысе тыгак жап дене таҥастарымаште иземмаш 21 утла проент лийын. Тений тичмаш налмаште индеш тылзыште промышленный производствын иземмашыже 13 процентым эртен,- увертара Маристат. Промышленный производствын индексым шотлымо готым шотыш налме ныл сектор гыч мланде гыч поянлыкым лушо сектор гына кушмашым ончыктен: известняк ден тыгыде кӱм кодшо ийысе деч 27 процентлан шукырак лукмо. Обрабатыватлыше производство 21 наре процентлан шагалемын. Сентябрьыште нефтепродукт дене пашам ыштымаш чӱдемын. Иземмаш тыгак тыгай отрасльлаште палемдалтын: машин ден оборудованийым лукмаш кок пачаш, пушеҥгым обрабатыватлыме да тудын гыч сатум лукмаш, мебель деч посна, 1.8 луаш гана, тынарак эмым да медициныште кучылталтме материалым лукмаш шагалемын, машин ден оборудованийым олмыктымаш да монтаж 1,7 гана, тынарак металлургий производство, полиграфий паша 26 процентлан, электрик оборудованийым 24 процентлан, мебельым лукмаш 20 процентлан шагалемын. Тидын годымак кодшо ийысе сентябрь дене таҥастарымаште резин да пластмасс сатум 1.8 луаш гана шукырак ыштыме, йӱышым 37 процентлан, вургемым 32, коваште да коваште сатум 13 процентлан утларак ыштен лукмо. Производствын шагалеммыже ятыр отрасльыште шокшым да энергоресурсым шагалрак кучылтмашке конда. Электроэнергетике сектор, шокшым, газым ситарымаш сентябьыште 19 процентлан шагалемын, вӱдым ситарыме, йоктарен колтымо, отходым пытарыме дене кылдалтше пашаште иктат шым луаш наре иземмаш палдырна.

Прошлые выпуски