«Марий вургем пайрем унала ӱжеш» фестиваль- конкурс мучашлалте
Йошкар- Олаште кум кече «Марий вургем пайрем унала ӱжеш» Россий кӱкшытан фестиваль- конкурс эртыш. Республикым вуйлатышын лӱмжӧ дене 24 кундем гыч толшо 200 утла унам Правительство вуйлатышын икымше алмаштышыже Михаил Васютин саламлыш. Фестиваль кышкарыште «Калык вургеман шке ыштыме курчак», «Костюмын ӱзгарже- влак» да «Йӱлан вийже: Российысе калык- влак» ончер-шамыч пашам ыштеныт. Туштат сеҥыше- влакым посна палемдыме.
Калык вургемым кум номинаций дене аклыме. «Авторын кызытсе жапысе костюмжо» номинацийыште лауреатын дипломжым Удмуртий гыч сеҥен налыныт. «Сценылык костюм» номинацийыште Лауреат диплом дене Тува университетын «Скифы» модо театрже, Икымше степенян диплом дене Салехард гыч Александр Кулиш, Кокымшо степенян диплом дене Морко Унчо вел гыч «Порсын кумыл» усталык мастерской палемдалтыныт. «Этнографий костюм» номинацийыште Лауреат дипломым Башкортостанысе Мечетлинский район гыч «Комарткы» коллективлан, икымше степенян дипломым Йошкар-Оласе «Царёв город» коллектив ден Марий Турекысе Карлыган гыч «Жардон» фольклор ансамбльлан пуымо. А Гран-прим Липецк оласе тӱвыра да туризмым вияҥдыме рӱдер гыч Елена Зинина сеҥен налын.
Фото: Тӱвыра министерстве.
Калык вургемым кум номинаций дене аклыме. «Авторын кызытсе жапысе костюмжо» номинацийыште лауреатын дипломжым Удмуртий гыч сеҥен налыныт. «Сценылык костюм» номинацийыште Лауреат диплом дене Тува университетын «Скифы» модо театрже, Икымше степенян диплом дене Салехард гыч Александр Кулиш, Кокымшо степенян диплом дене Морко Унчо вел гыч «Порсын кумыл» усталык мастерской палемдалтыныт. «Этнографий костюм» номинацийыште Лауреат дипломым Башкортостанысе Мечетлинский район гыч «Комарткы» коллективлан, икымше степенян дипломым Йошкар-Оласе «Царёв город» коллектив ден Марий Турекысе Карлыган гыч «Жардон» фольклор ансамбльлан пуымо. А Гран-прим Липецк оласе тӱвыра да туризмым вияҥдыме рӱдер гыч Елена Зинина сеҥен налын.
Фото: Тӱвыра министерстве.
