Мый виян профессионал- влак команде верч улам,- каласен республикым вуйлатыше
Теҥгече Юрий Зайцев «Самырык профессионал- влак» 10-шо калыкле чемпионатын призёржо дене наставникышт дене валийын. Кугу таҥасымашын лектышыже почеш Марий Элын командыже тӱрлӧ компетенцийыште профессионализмым ончыктымылан 7 медальоным сеҥен налын. Юрий Зайцев палемден: тиде кажне участникын илышыштыже кӱлешан йыжыҥ, нунын тыршен ямдылалтмышт да шонымашыш шуаш тыршымыштын лектышыже. Тидымат каласен: самырык профессионал-влаклан полшаш да сеҥымашыштлан мокталташ кӱлеш. Туныктышыштланат шке шинчымаш ден опытыштым пуымылан посна тауштен ойлен. Туныктыш министрын пашажым шуктышо Лариса Ревуцкаян мутшо почеш, сеҥен налме медальон- влак ий гыч ийыш ешаралт толыт. Тӱналтышыште 2-3, эн шукыжо 4 лийын гын, тений 14 участник гыч 7-ше медальон дене палемдалтын. Юрий Зайцев чемпионатын призёржо- влакым саламлен да Марий Эл Правительствын грантшым кучыктен, ончыкыжымат сеҥымаш- влакым тыланен. Мый виян профессионал- влак команде верч улам манын. Сеҥыше- влак коклаште Хабибулло Назаров, Михаил Козицын, Ирина Михайлова, Василий Таланцев, Ксения Крылова, Валерия Дюкова, Николай Сорокин улыт.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
