Йошкар-Олаште «Ася» оперым ончыктат
Москосо вузлан самырык талантышт Йошкар-Олаште «Ася» оперым ончыктат. Тудо Эрик Сапаев лӱмеш опера да балет театрыште йоҥгалтеш. «Кугу гастроль- влак» программе кышкарыште 31-ше октябрьын ГИТИС-ын студентше- влак да Москосо Михаил Ипполитов- Иванов лӱмеш самырык- влакын симфонический оркестрышт оҥай усталык пашам темлат. Ипполитов- Ивановын Иван Тургеневын повестьше негызеш шындыме оперыжым икымше гана 1900 ийын 28-ше сентябрьыште Москошто ончыктымо Революций дене вара тудо тетла йоҥген огыл. Тений кеҥежым Моско консерваторийын Кугу залыштыже уэш икымше гана кугу сеҥымаш дене ончыкталтын. «Асян» у версийжым «Росконцертат» шокшын вашлийын.
Фото: Википедий.
Фото: Википедий.
