Алексей Кузьмицкий калыклан приёмым эртарен

              Алексей Кузьмицкий  калыклан шке йодышышт дене приёмым эртарен. Угарман олаште Юл кундем округышто Президентын полномочный представительжын алмаштышыже Алексей Кузьмицкий калык дене вашлийын. Видеоконференций йӧн дене Мордовий, Марий Эл да Чуваший гыч пурышо йодыш- влакым ончен лекме. Мероприятийыште  регионласе социал, чоҥымаш да ЖКХ йодыш дене пашам ыштыше исполнительный кучем органын, верысе самоуправленийын еҥышт, тӱҥ федерал инспектор- влак участвоватленыт. Йодыш- влак илышын тӱрлӧ шӧрынжӧ дене кылдалтыныт. Тиде- медпунктым капитально олмыктымаш, корным, йоча садым чоҥымаш да олмыктымаш да молат.
              Марий Эл гыч Президентын приёмныйышкыже пурышо йодыш Советский посёлко гыч лийын. Тудо  посёлкысо Эрык уремысе корным олмыктымо дене кылдалтын. Тушто илыше ӱдырамашын мутшо почеш, корно пеш начар, тротуар лунчырген, умбакыже пудырталтеш, южо вере шудо кушкын шогалын. Республикысе транспорт да корно озанлык министр Александр Герасименко тыге вашештен: кызыт олмыктымо пашалан проект да смета документацийым ямдылыме, экспертизын заключенийжым налме да подряд организацийым палемдыме. Тиде пашам «Лӱдыкшыдымӧ да сай качестван автомобиль корно- влак» калыкле проект кышкарыште шушаш ийын 30-шо август марте шуктымо лиеш.                          Полпредын алмаштышыже регионысо исполнительный кучем орган- влаклан верысе самоуправлений орган дене пырля шындыме йодышым жапыштыже шукташ, а федерал инспекторлан контрольыш налаш кӱштен.

Прошлые выпуски