Ялысе Сеҥымаш скверым тӱзландарыме шотышто субботник эртен
Советский районышто ялысе Сеҥымаш скверым тӱзландарыме шотышто субботникым эртареныт. Кодшо кечылаште Ӧрша села ден Изи Ӧрша ялысе калык поро йӱлаш савырныше субботникыш лектыныт. Сеҥымаш скверым тӱзландараш 30 утла еҥ ушнен. Тушто кушкын шогалше шудым соленыт. Тиддеч вара «Нунын лӱмыштым курымеш калык шарна» проектым шыҥдараш тӱҥалыт. Сквер кундемыште облесикым олмыктымо да кундемым тӱзландарыме паша тарванышаш. Тиде арнян «Деал» организаций олмыктымо пашам тӱналшаш.
