Пенсионер- влакын спартакиадышт вес ийын лиеш
Российысе пенсионер- влакын 7-ше спартакиадышт 2021-ше ийыш кусаралтеш. Тудо тений Белгород олаште 25-ше гыч 28-ше август марте эртаралтшаш ыле. Коронавирусын пандемийжылан кӧра, пенсионер- влакын ик эн йӧратыме да кумда мероприятийышт деч кораҥаш верештеш. Кызыт Российын спорт министерствыже регионысо кучем- влаклан карантин жапыште спорт мероприятий- влакым эртарыме шотышто темлымаш- влакым ямдыла. Спартакиадын проектше дене келшышын, таҥасымаш- влак илалше- влакын кечышт вашеш лийшаш улыт, - увертара Российысе пенсионер- влакын ушемышт.
