Полдыран шудо- осал кушкыл

Республикыштына осал кушкыл дене кучедалаш тӱҥалме. Сосновскийын борщевикше але Полдыран шудо ваштареш гербицидым Марий Турек районышто шават. Тымарте кугорно воктене верланыше 12 гектар кушкылым обработатленыт. Тиде сомыллан 180 тӱжем теҥгем колтымо. Кеҥеж мучко пашазе- влак эше ик гана кучедалаш лекташ шонат. Куженер районыштат тыгай паша шукталтеш. Марий Элысе «Россельхознадзорын» районысо пӧлкажын тӱҥ агрономжо Виктор Нефонтовын мутшо почеш, кушкыл ваштареш Руш Кугунур ял ден Кугу Лаждӱр ялысе ончычсо ферме кундемыште «Торнадо» ден «Магнум»  препарат- влакын вартышыштым кучылтмо. Тыге ныл гектар кумдыкым авалтыме. Икмыняр кече гыч лектышым тергаш шонат. Кӱлеш лиеш гын, эше ик гана аяртат.

Прошлые выпуски