Ковид-19 эше 42 еҥлан пижын
Марий Элыштына коронавирус шарлаш тӱҥалме годсек эмлыме верла гыч ик тӱжемат 633 еҥ эмлалт лектын. Оперативный увер почеш, медицина тӧнежла гыч эше 51 еҥым лукмо. Эртыше суткаште 42 еҥын чержым рашемдыме. Тымарте чылаже тӱжемат 975 еҥын чержым регистрироватлыме. Кодшо суткаште эше ик еҥ каен. Тыге чылаже 14 еҥ ӱмыр лугыч лийын. Россий мучко ончалаш гын, тачысе кечылан 212 тӱжемат 680 еҥ черым сеҥен лектын. Инфекций чылаже 449 тӱжемат 834 еҥым тӱкен. Чер дечын вич тӱжемат 528 еҥ колен.
