2019-ше ийысе нылымше кварталлан ГТО-н отличий знакшым пуэдаш тӱҥалме
Российысе ГТО толкынын участникше- влаклан палашышт. Йошкар-Ола администрацийын физкультура да спорт виктемже увертара: 2019-ше ийысе нылымше кварталлан ГТО-н отличий знакшым пуэдаш тӱҥалме. Поро йӱла семын знакым торжественно кучыктымаш тений ок лий. Молан манаш гын, тӱшка мероприятий- влакым эртараш чарыме. Сандене знакым налаш Йошкар-Оласе Гагарин проспектын кокымшо пӧртышкыжӧ 314-ше пӧлемыш мияш лиеш. Тудо 8-ат пеле гыч 17 шагатат 30 минут марте пашам ышта. Йодышым 38-05-71 номеран телефон дене рашемдаш лиеш.
