Депутат шке сайлышыже- влаклан полша

Кодшо кугарнян Кугыжаныш Думын депутатше Светлана Солнцева онлайн йӧн дене Шойбулак ял илем администраций вуйлатыше Александр Павлов дене приём жапыште калык деч пурышо йодмаш- влакым шуктымо нерген мутланен. Нуно яллам тӱзландарыме, корно да уремлам олмыктымо, йӱшаш вӱдым ситарыме, уремым волгалтарыме дене кылдалтыныт. Ял илем вуйлатыше депутатлан ыштышаш паша- влак нерген каласкален. Кызыт «Ару вӱд» федерал проектыш ушнаш документ ямдылалтеш, селасе кудывечылам тӱзландараш «Оласе кумдык» проектыш ушнымо. Лесной посёлкышто илыше- влак 2015-ше ий годсек шке вийышт дене корным чоҥат. Светлана Солнцева кум ий почела тиде посёлкышто илыше- влаклан строматериалым налаш полша. Тений 40 тонн асфальт пудыргым налын. Тудым ончыкылык корныш шарат. Илем администрацийым вуйлатыше грейдерым пуаш сӧрен. Тыге посёлко мучко сайын кудал эрташ лиеш. Тыгай полышым депутат шке сайлышыже- влаклан идалык еда пуэн шога.

Прошлые выпуски