Эмеково ял шотан илемысе икмыняр ялыште вӱд деч посна кодыныт

Юлсер кундемысе икмыняр ялыште калыкым йӱшаш вӱдым ситарыме шотышто йодыш тургыжландара. Май тӱҥалтыште Эмеково ял шотан илемыш пурышо кум яллан вӱдым ситарыше скважина кошкымо нерген рашемын. Верысе калык вӱд деч посна кодын. Марий Элын вуйлатышыже Александр Евстифеев тиде нелылык гыч лекташ арня жапым пуэн. Тиде жапыште у скважиным ышташ да тудым пашашке колташ кӱштен. Палемдыме 72 метр гыч витлыжым таче кечылан кӱнчымӧ. Тиде пашалан республикын резерв фондшо гыч 1 миллион 800 тӱжем теҥге оксам ойыраш палемдыме.

Прошлые выпуски