Сурок посёлкышто – у мемориал комплекс
Кугу Элна ик эн тӱҥ пайремым - Кугу Ачамланде сарыште сеҥымылан 75 ий темме лӱмгечым - пайремлыш. Тидын вашеш Сурок посёлкышто мемориал комплексым чоҥен шуктымо. Кугу сар жапыште вуйым пыштыше- влак нерген шарнымаш илышаш. Сурокышто мемориал комплексым чоҥен, вуйым пыштыше- влаклан шарнымаш порысым пӧртылтымӧ. Ушештарена: кодшо ий мучашыште Марий Элым вуйлатыше Александр Евстифеев мемориалым чоҥаш оксам ойыраш да 9-ше майлан ыштен шукташ кӱштен ыле. Тиде задачым шуктымо. Тушко мияш асфальт дене леведме корным ыштыме, мемориал комплексын негызшым чоҥымо, шарнымашан плита- влакым да сӧрастарымашым ыштыме. Тудым почмаш чарыме мероприятий пытымеке лийшаш.
