Тунемме ий эркын дене мучашке лишемеш

Марий Элысе школла, техникумла ден вузлаште дистанционный тунеммаш умбакыже шуйна. Тидан нерген республикысе туныктыш да шанче министерстве увертара. Тӱҥалтыш класслаште тунемше-влакын нылымше чырыкышт тиде арняште, кугарнян, мучашлалтеш. Кугурак класс ӱдыр-рвезе-влак 22-шо май марте тунемыт. 9-ше-11-ше класслаште тунемше-влакын тунемме ийышт май мучаште пыта. Шукыштын тений тунемме ийышт ондакрак пыта гынат, туныктышо-влак йоча-шамычлан тӱрлӧ заданийым 29 май марте пуаш тӱҥалыт. Но нуно объязательный огыт лий. Выпускник-влакын пытартыш йыҥгырышт да выпускной балышт нерген раш увер эше уке. Йоча садла нерген ойлаш гын, кызытеш дежурный группо-влак веле пашам ыштат.

Прошлые выпуски