Медик-влаклан ешартыш окса полыш

Коронавирус черан-влак дене пашам ыштыше медик-влаклан кугурак пашадарым налшаш улыт.

Коронавирус черан-влак дене пашам ыштыше медицина пашаеҥ-шамычлан ешарен тӱлаш тӱҥалыт. Тидлан республика федерал бюджет гыч 31 миллион 833 тӱжем теҥгем налшаш. Эпидемий тургымышто эмлымверлаште медик-влаклан шуко неле паша логалеш, адакше нуно лӱдыкшӧ тӱшкашке пурышо-влак дене пашам ыштат. Тидым шотыш налын, Российысе регион-влаклан чылаже 3 миллиард утла теҥгем ойыраш палемдыме. Окса кугыт врач-влаклан, медшӱжар-влаклан да изирак персоналлан тӱрлӧ лиеш.

Прошлые выпуски