Шошо ага умбакыже шуйна
Республикыште шошо ага умбакже шуйна. Теҥгечысе кечылан ял озанлак, кресаньык да фермер озанлыклаште икияшым 42 тӱжем гектареш вераҥдыме. Тидыже планын 31 процентше. Суткаште мланде пашаеҥ-влак 8 тӱжем наре гектареш икияш пырчым ӱдат. Эн сайын тидым пашам У Торъял, Звенигово да Шернур районлаше шуктат. Икияш пырчан да пырчан-отызан культурым 35 тӱжем гектарыште шындыме. Тиде планын 36 процентше лиеш. Пареҥгым кызытеш 1 тӱжем 700 гектар кумдыкышто шындыме, моло пакча-саскам эше 17 гектареш гына. Тидыже палемдымын 1 процентше веле. Тыгак кызыт озанлыклаште кокияш культурым ден шукияш шудым ӱяҥдат, тыгак тырмалыме пашам шуктат.
