Ангелина Аксакова «Калык участковый» Российысе конкурсын финалышкыже лектын
Марий Эл гыч Ангелина Аксакова «Калык участковый» Российысе конкурсын финалышкыже лектын. Конкурсын регионысо йыжыҥыштыже сеҥыше 17-ше октябрьыште рашемын. Ангелина Аксакова Йошкар-Оласе кумшо полиций пӧлкан уполномоченный участковыйжо улеш. Тудо моло конкурсант- влакым ӱшанлын ончылтен да тӱжем утла йӱкым поген. Кокымшо верыште Морко район гыч кугурак участковый Анатолий Михайлов улеш, кумшо верым Йошкар- Оласе кокымшо полиций пӧлкан участковыйжо Максим Метелёв налын. Икымше ноябрь гыч конкурсын кумшо йыжыҥже тӱҥалеш. Ангелина Аксакова верч шке йӱкым Россий МВД-н интернет- сайтыштыже пуаш лиеш. Онлайн йӱклымаш 10-шо ноябрь марте шуйна.
Фото: Марий Элысе МВД-н пресс-службыжо.
Фото: Марий Элысе МВД-н пресс-службыжо.
