Фермер школ Курыкмарий да Волжский районышто пашам ыштен

Фермер школ Курыкмарий да Волжский районышто пашам ыштен

«Фермер школын» участникше-влак регионысо ялозанлык предриятийлаштыже практикым эртат. Фермер пашам виктарыме шотышто теорийым налме деч посна шинчымашыштым пеҥгыдемдаш районлашке лектын коштыт. Кок арня жапыше нуно Курыкмарий да Волжский районласе фермер-влак Андрей Бабушкинын, Сергей Ильинын да Сергей Ивановын озанлыклаштышт лийыныт. Андрей Бабушкинын кресаньык-фермер озанлыкше пакча-саскам куштымо дене палыме. Оза уна-влакым тидын дене палдарен. Сергей Ильин у урлык пареҥге ден ковыштам куштымыж нерген каласкален. А Юлсер кундемыште фермер школын еҥ-влак виноградым куштымо паша дене палыме лийыныт. Ты сомылым моткоч мастарын тушто Сергей Иванов шукта. Тачысе кечын тужо 70 тӱрлӧ сорт виноградым кушта.

А теве вольыкым ончымо паша дене «Семеновский» племзаводын кумыс цехыштыже палдареныт. Ты предприятийын сатужо элнан регионлаштыже сайын палыме, кугу йодмашан.

Прошлые выпуски