Шкетан лӱмеш театр зданийын фронтоныштыжо скульптура композицийым реставрироватлат
Шкетан лӱмеш марий калыкле драма театр зданийын фронтоныштыжо скульптура композицийым реставрироватлат. Оласе калык шекланен шуктен: композицийысе ик музын пурла кидше шемын коеш. Рашемын: тиде «кидым» реставрацийыш колтымо. Пашам республикын кечыжым пайремлыме вашеш шуктат. Ушештарена: театр зданийыште скульптура группым 64 ий ончыч вераҥдыме. Тудын покшелныже Марий АССР-ын гербше верланен. Постаментын рӱдӧ ужашыжым лира сӧрастара, шола да пурла велым драма произведений- влакын геройыштын профильыштым ончыктымо. Ордыжыштӧ кок велым музым ончыктышо пеле савырныше ӱдыр- влакым ужаш лиеш.
Фото: МариМедиа.
Фото: МариМедиа.
