Эртыше ийын мобильный бригаде ялла гыч 499 илалше еҥым эмлыме верыш конден
Эртыше 2019-ше ийыште мобильный бригаде ялыште илыше 499 илалше еҥым эмлыме верыш конден. Социал вияҥмаш министерствыште умылтарыме почеш, 2019-ше ийыште 18 автомобильым налме да посна мобильный бригадым ыштыме. Тиде пашам кодшо ийын шыжым тӱналме. Бригадын полышыж дене ялыште илыше 65 ийым темыше илалше еҥ- влак пайдаланен кертыт.
