Йошкар-Ола гыч Адлерыш тений икымше пассажир поезд 11ше июньышто кая

Йошкар-Ола гыч Адлерыш тений икымше пассажир поезд 11ше июньышто кая
               Йошкар-Ола гыч Адлерыш тений икымше пассажир поезд 11ше июньышто кая. Тидын нерген Российысе кӱртньӧ корно сайтын билет системжые ойла. Тудын дене келшышын билет ужалалтеш. Тидат пале: куснен шичдыме вагон- влак кечывалвелыш сентябрь мучаш марте коштыт. Поезд 11-ше июньышто 23 шагатат 50 минутлан тарвана, Адлерыш 14-ше июньын 5 шагатат 32 минутлан миен шуэш. Корнышто кок кечат вич шагат утла лиеш. Кызытеш плацкартын акше шым тӱжем теҥге, купеште 12 тӱжемат 723 теҥге.
              Фото: Иннокентий Радыгин

Прошлые выпуски