Йошкар-Олаште таче кинде-шинчал да марий куштымаш дене Надежда Бабкинам вашлийыныт
Йошкар-Олаште таче кинде-шинчал да марий куштымаш дене Надежда Бабкинам вашлийыныт. Поезд гыч Российын калык артисткыжым Правительстве вуйлатышын алмаштышыже- тӱвыра министр Константин Иванов вашлийын. Мурызым йыргешке кинде сукыр дене сийленыт да марий куштымаш дене авырен налыныт. Ушештарена: республикыште артисткын художественно вуйлатымыже почеш «Российын мурыжо- влак» Россий кӱкшытан фестиваль- марафон лиеш. Тудо икымняр районым, Йошкар-Олам авалта да 6-шо гыч 15-ше июнь марте шуйна. Фестиваль таче Медведево посёлкышто тӱҥалеш. Сандене 18 шагатат 30 минут гыч 22 шагат марте Киров ден Жилин уремлаште транспортлан кошташ чаралтеш.
Фото: Тӱвыра министерстве.
Фото: Тӱвыра министерстве.
