Волжск гыч Данил Григорьев греко-рим кучедалмаш дене Российын чемпионжо лийын

Волжск гыч Данил Григорьев греко-рим кучедалмаш дене Российын чемпионжо лийын
               Волжск гыч Данил Григорьев греко-рим кучедалмаш дене Российын чемпионжо лӱм дене палемдалтын. Кумшо гыч шымше июнь марте Омскышто кугыеҥ- влак коклаште греко-рим кучедалмаш дене Российын Чемпионатше эртен. Волжскын спортсменже  чемпион лӱмым налын. Олимпий резерв спорт школышто шуаралтше Данил Григорьев 72 килограмм марте нелытан- влак коклаште чыла вашлиймаште сеҥышыш лектын. Финал кучедалмаштат Чечня гыч патырым 2 да 0 счёт дене сеҥен да Российын чемпионжо лийын. Адакшым Данил тений Российын первенствыштыже сеҥыше да 24 ияш марте самырык- влак коклаште Европын первенствыштыже ший призёр лийын ыле. Пытартыш таҥасымашыже Тӱнян чемпионатыштыже таҥасаш ойырен налме турлан шотлалтын. Тудыжо Хорватийысе Загребыште 13-шо гыч 21-ше сентябрь марте эрта.
             Фото: «Наш Волжск»

Прошлые выпуски