Йошкар-Олаште «Йоча пеледыш пайрем» эртен
Йошкар-Олаште «Йоча пеледыш пайрем» эртен. Рӱдӧ тӱвыра да каныме паркыште лийше мероприятий Йочам аралыме кечылан да Ачамландым аралышын идалыкшылан пӧлеклалтын. Тыгай пайремлан кӧра самырык- влак коклаште марий тӱвыра утларак шарлен кая. Пайремыш чыла район гыч марий йылмым тунемше талантан йоча- влак толыныт. Нуно Курымашлык тул воктеке пеледышым пыштеныт да парк мучко торжественно таҥошкыл эртеныт, вара паркыштак каныме программе тӱҥалын. Ӱдыр-рвезе- влак калык модмаш дене модыныт, конкурслаште таҥасеныт, усталык номер- влакым ончыктеныт, отличнын тунемше да школ илышыште чолган участвоватлыше- влакым саламленыт. Каныш тӱҥалме дене йоча- влакым Марий Эл кугыжаныш Погыным вуйлатышын икымше алмаштышыже Лариса Яковлева саламлен.
Фото: Марий Эл Кугыжаныш Погынын пресс-службыжо.
Фото: Марий Эл Кугыжаныш Погынын пресс-службыжо.
