Марий Эл гыч СВО кундемыш эше ик гуманитар грузым колтеныт

Марий Эл гыч  СВО кундемыш эше ик гуманитар грузым колтеныт
              Марий Эл гыч  СВО кундемыш эше ик гуманитар грузым колтеныт. Палемдена: тиде ынде 54-ше полыш. Тиде груз ныл фурым да грузан прицепым ушен шога. Тудо Российын шым регионышкыжо каен. Посна тӱткышым Брянсклан ойырымо. Тушто сусыргышо военнослужащий- влак эмлалтыт. Тушко вакшышыш шартышым, медикаментым, антисептикым, вурегмым, шке гигиенылык ӱзгарым, медсанбатлан калай коҥгам колтымо. Тыгак боец- влаклан фронтыш лу мотоциклым, квадроциклым, чыла вере коштын кертше 8 машиным, дрон деч аралаташ ныл пычалым, чоҥымо материалым, генераторым, автозапчастьым да шуко молымат намиен пуат. Гуманитар конвойын 54-ше миссийжым ямдылаш да колташ Марий Эл Правительстве, муниципалитет- влак, предприятий, волонтёр толкын- влак, полит партий, мер ушем да тыглай калык полшеныт.
        Фото: Марий Элысе МВД.

Прошлые выпуски