АйТи отрасль- чыла вереат ончыко наҥайыште отрасль
АйТи отрасль- чыла вереат ончыко наҥайыште отрасль. Марий Элым вуйлатыше Юрий Зайцев Айсприҥ» институтыш мийымыже годым кызытсе илышыште цифровизацийын кӱлешлыкшым да АйТи индустрийын писын вияҥмыжым палемден. Институт шкенжым туныктымо вияҥше инфраструктуран, у разработко ден стандартым кучылтман кызытсе жаплан келшен толшо вуз семын ончыктен. «АйСприҥ» комапнийым вуйлатыше Юрий Усков Республикым вуйлатышылан тунемме кабинетлам, Лекцийым эртарыме «Каскад» аудиторийым ончыктен, вара шуко функциян «Купол йымалне» залыште институтын презентацийже эртен. Тушто шинчымашым налаш шонышо- влак ешаралт шогат. Студент- влакын кугурак ужашышт мемнан денак кодыт манын ӱшаным каласен Юрий Зайцев. Молан манаш гын, тиде илышышкына у стильым кондышо еҥ- влак улыт. АйТи отрасль чыла вереат ончыко наҥайыште отрасль. Цифровизаций деч посна кызыт ик сферат пашам ок ыште. Тыгай специалист- влак мыланна кӱлыт. Тек нигушкат огыт кай, тыште паша шуко, эшеат шукырак ышташ кӱлеш,- ешарен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
